انصار (چهارشنبه، د سنبلې 22 مه)

د طالبانو حکومت  دسې شنبې په ورځ د پاکستان د حکومت دا تور رد کړ چې ګنې دوی د تورخم لارې د بندېدړو سبب شوي دي.

پاکستان د تېرې اوونۍ د چهارشنبې په ورځ وروسته له دې د تورخم دروازه وتړله چې د دوو خواوو پوله ساتو پر یو بل ډزې وکړې.  د پاکستان د بهرنیو چارو وزارت ویندویې ممتاز زهرا بلوچ په اسلام اباد کې ادعا وکړه چې د افغانستان د حکومت سرحدي ځواکونو په غیرقانوني ډول د پاکستان په خاوره کې پوسته جوړوله او دا کار یې د دوو خواوو د ځواکونو ترمنځ د نښتې سبب شو.

دې همدا راز د پاکستان مخکینۍ ادعا بیا تکرار کړه چې ګنې د افغانستان حکومت ترهګرو ته اجازه ورکوي چې له خاورې څخه یې پر پاکستان د حملې لپاره کار واخلي.

د پاکستان ادعا تراوسه هیڅ هیواد تایید کړې نه ده او نه یې په دې اړه کومه تبصره کړې ده.

خو د پاکستان ادعاوو د طالبانو د حکومت غبرګون پارولی دی.

د اسوشیتید پریس خبري اژانس د راپور له مخې، د طالبانو د حکومت یوه چارواکي د پاکستان دولت کمزوری او بې وسه بللی ځکه چې خپل امنیت نه شي ساتلی.

د کورنیو چارو وزارت ویندوی عبدالمتین قانع اسوشیتید پریس خبري اژانس ته ویلي په پولو کې دا ډول پېښې په کېږي، "دا وار موږ حمله نه ده کړې."

ده همداراز ویلي:"کله چې پر موږ برید وشو، موږ د ځان دفاع وکړه او دا مو حق دی. خو دا د تاسف وړ ده چې پاکستان خپل امنیت نه شي ساتلی او د ستونزو پړه پر افغانانو اچوي چې ګواکي موږ هلته مداخله کوو. دا د دوی د بې وسۍ علت دی چې خپل امنیت په خپله نه شي تضمینولی."

د طالبانو د حکومت یوه بل ویندوی بلال کریمي هم د پاکستان د بهرنیو چارو وزارت څرګندونې وغندلې. ده وویل، د پاکستان کورنۍ مسلې په دوی پورې تړلي دي، باید علتونه او ریښې یې په پاکستان کې دننه ولټوي.

کریمي اسوشیتید پریس خبري اژانس ته وویل:" زموږ مسوولیت دا دی چې د خپل هیواد امنیت وساتو او پرې نه ږدو چې امنیت مو له خطر سره مخامخ شي. زموږ هیله دا ده چې په ښه ګاونډیتوب او اقتصاد تمرکز وکړو."

پاکستان د چهارشنبې په ورځ د تورخم دروازه تړلې او تراوسه یې نه ده پرانیستې. پاکستاني چارواکو ویلي چې لومړی باید دا تضمین ورکړل شي چې له افغانستانه به پاکستان ته ګواښ نه پېښېږي.

د چارو کتونکي وايي، پاکستان چې د ټي ټي پي له بریدونو سره مخامخ دی، غواړي په دې توګه افغان طالبان اړ باسي چې له خپل نفوذه، چې د ټي ټي پي په منځ کې یې لري، دا ډله له جګړې راوګرځوي او یا د دې ډلې پر ضد د پاکستان له امنیتي ځواکونو سره په جګړه کې لاس یو کړي.

په اوسنیو شرایطو کې، چې د طالبانو او نورو سختدریځو ډلو پر ضد په جګړه کې امریکا له پاکستان سره ولاړه نه ده، او له بلې خوا پاکستان له سخت اقتصادي بحران سره مخامخ دی، د ټي ټي پي جګړه پاکستان ته جدي ننګونه ګڼل کېږي.

LINK: https://www.ansarpress.com/english/26955

*	NAME
*	COMMENT
4 DIGITS BELOW
*

	Taliban’s new law bans women’s voices and faces
	Western Kabul residents say Taliban has failed to ensure security after bombing
	Formation of the Federalist Assembly of Afghanistan
	Taliban: Afghanistan Does Not Have Formal Border With Pakistan
	Pedram: The Abduction of Hazara and Tajik Women Recalls the Crimes of Abdur Rahman
	Special envoys from G7 countries discuss Afghanistan in London meeting
	UNAMA report: 49 Hazara community members killed in Afghanistan in three months
	Generations of Pakistan and Afghanistan who fell victim to suicide attacks
	UNAMA urges increased protection for Afghanistan’s Hazara community after Kabul attack
	Explosion reported in Kabul , casualties still unknown